Usapang Babaero

Bakit nga ba sa kultura natin, mas macho pag mas maraming asawa? San nga ba nagsimula ang ganitong kaugalian? Bakit hanggang ngayon, ganun pa rin ang nakagawian ng mas nakararami?

Pangkaraniwang biro na lang nga sa Mindanao na pa gang isang lalaki ay may limang asawa, Muslim. Pero pag higit pa sa lima, Kristiyano. Sa pagkakaalam ko, nililimitahan na ang mga Muslim ngayon sa limang asawa. Ewan ko lang kung tama ba ang nalalaman ko. Paki puna na lang so comments kung hindi. Hahaha.

Pero sa mas nakararami, bakit ba patuloy na nagpaparami ng panganay kahit na wala namang kakayahang suportahan ang mga kawawang mumunting mga alaala ng lumipas na naiiwan karaniwan sa kanya kanyang mga ina? At paglaki nila, gagayahin din ang kanilang mga ama at magpaparami rin ng mga panganay.

Kahit sa mga binata, very common na sa atin ang nangongolekta ng mga siyota. Paramihan, pagandahan. Kung mas marami kang pinagsasabay-sabay, pwede mo pang ipagyabang. Ang pinaka nakakaasar na siguro na naka inuman ko ng one on one ay yung isang kakilala ko na sinubukang humingi sa akin ng payo. Namomroblema siya dahil di niya malaman kung sino ang pipiliin niya sa dalawa niyang siyota. Am%#&@! Humihingi ba 'to ng payo, o simpleng nagyayabang lang? Buti na lang, paubos na yung Gin nung inilahad niya ang problema niya. Tinaasan ko na lang ang tagay ko para matapos na. May ilang beses ko na ring narinig sa radio na may humihingi ng payo sa DJ dahil sa parehong problema. Ano ba naman ang problema nila? Yung iba nga, makikipagpalit pa ng posisyon sa kanila. Mas masarap kaya ang may syota kaysa ni minsan ay wala. ^_^

Minsan, maaasar ka pa sa ibang mga makakainuman mo kasi, ipinagyayabang sa iyo na marami siyang naanakan. Pero kung tatanungin mo kung nasaan na yung mga anak niya, di na alam. Tapos, ipagyayabang pa sa iyo yung antigong picture ng nakasama niya sa iisang bubong nung bandang 1980's pa at ikukuwento sa iyo yung buong love story nila na para bang napakaganda ng kalokohang pinag gagagawa niya. Pero kung susuriin, pinabayaan naman talaga niya kaya napilitang sumama sa iba. Hehehe. At eto pa ang matindi. Yung babaeng nasa picture, kahit pabatain mo pa ng konti, di ko talaga kayang patulan. Ang paniwala ko kasi, kung gagawa rin lang naman ako ng kasalanan, sisiguruhin kong sulit. Magnakaw ka ng singko sentimos o limang milyon man, parehong pagnanakaw pa rin yun. E di sa Limang milyon na ako. Mas sulit. :D

Kung ating susuriin (Di naman ako eksperto dito, pero, usapang barbero lang. Hehehe.) nagmula ang ganitong kagawian sa mga ninuno nating Muslim. Kung hindi naman tayo nagpasakop sa mga Espanyol, malamang Muslim pa rin tayong lahat. Nung mga panahong iyon, ang yaman at karangyaan ng isang lalake ay masusukat sa kung gaano karami ang asawa niya. Pero seryoso sila sa pagpapatupad ng batas nila. Dapat, masuportahan mo lahat ng mga pamilya mo. At ang mga pangangailangan nila. Hindi rin sila pwedeng pagsamahin sa iisang bahay. Dapat, tig iisang bahay kada pamilya. Kapag naman meron kang napabayaan na isa, bitay. Kung may papaboran ka nga naman na isa at papabayaan ang iba, e di wala na lang makinabang. So, napakahigpit nila sa usaping ito.

Ngunit nirerespeto rin naman ng kultura nila ang mga unang asawa. Kumbaga sa kaharian, ang unang asawa ang reyna. May karapatan siyang pamahalaan ang iba pang mga asawa. At ang malupet, hindi pwedeng mag asawa ng panibago ang lalaki, hangga't walang consent ng unang asawa. So, ang nangyayari daw, pwedeng humiling ang unang asawa. Pampadulas… Para nga naman pumayag siya na magdagdag ng asawa ang mister niya.

Pero san nga ba nagsimula ang kaugaliang ito ng mga sinaunang Muslim? May nakapagsabi sa akin nung minsang tumambay ako sa isang Barber Shop sa bandang Timog na nagmula daw ito sa panahon pa ng mga digmaan nila. Karaniwang nagiging mandirigma ang mga kalalakitan pag sapat na sa gulang. So, since maraming digmaan, nangangamatay ang mga kalalakihan. Kakaunti ang natitira, yung iba, matanda na, yung iba, masyado pang bata. Ang problema nila, kung di makakapag asawa ang mga kababaihan, di sila magkakaanak. At Mortal sin sa kanila ang magbuntis ang isang dalaga. So, no choice. Kinailangan nilang magpalabas na kautusan na pinahihintulutan ang mga kalalakihan na mag asawa ng higit sa isa hangga't kaya nilang suportahan at buhayin.

Ang punto ko lamang, ang mga sinaunang Muslim, may sistema sila. Di tulad natin ngayon. Basta may babaeng mauuto, uutuin. Hangga't pwede, aanakan. Pag hindi na kaya, iiwanan. Ang mga anak, bahala na sila sa buhay nila.

Di naman sa nagmamalinis ako. Marami rin naman akong katarantaduhan, pero di ko pinagmamalaki. Kaya nga tinawag na katarantaduhan eh. Hehehe. Pero bakit ba ginagawa ng nakararami ay ipinagmamalaki pa ang mga katarantaduhang iyon pati na ang mga bunga na di man lang sila nakilala? Magkano lang ang Condom? Kahit saang Steven-Elven, makakabili kahit anong oras. May Mimi Snap pa. (Sensya na. Di naman sila nagbayad para sa advertising kaya di ko babanggitin mga pangalan ng tindahan nila. Hahaha! Nga pala, kung gusto niyong magpa advertise, mapag uusapan yan. ^,..,^) At balita ko, may isang drug store na nagbebenta ng Condom na medyo may kamahalan, pero pwedeng testingin. Nyahahaha.

Naalala ko tuloy yung isang kaso: Isang babaerong ama ang nagkaanak sa isang nautong Nene. Nagkaanak ngunit ni minsan ay di nakita ang ama. Nung nagdalaga ang anak, pinilit na manirahan sa isang kamag anak sa bandang Valenzuela dahil sa alam niyang nasa Quezon City ang ama niya. Mas malapit nga naman ang Valenzuela sa QC kaysa naman manggagaling pa sa probinsiya. Pero pagbigyan na natin yung kawawang dalaga. Yun na lang nga ang pangarap niya eh. Pero eto malupit don. Yung kawawang dalaga, sa INA Computer learning Center nag enroll. Eh may mga branches din naman ang INA sa probinsiya nila. XD

So, nakontak ng anak yung ama at gustong makipag kita. Pumayag naman yung ama. Nagtanong pa nga sa akin ng direksiyon patungong SM Valenzuela. Pero nung araw na magkikita na sana sila, ang pinapunta ng ama ay ang panganay na anak sa legal na asawa. Am%&#@! Minsan na nga lang mangarap yung anak na makita man lang ama niya, pinaasa pa at di pinagbigyan. Kawawa naman.

Simple lang naman ang tinutumbok ko. Kung ikaw ay babaero, maraming pamilya, maraming panganay… Kung lahat sila, nasusuportahan mo, nagagampanan mo mga obligasyon, sige, ipagmalaki mo sa akin. Pero kung nagparami ka lang naman ng asawa at panganay pero lahat sila ay napapabayaan mo hanggang sa puntong di man lang nakilala ng mga anak mo kung sino ama nila, eh, mabuti pa, sarilinin mo na lang muna. Hehehe. Di ako hahanga sa iyo. Maaawa, pwede pa.

Para sa mga komento, reaksiyon, at iba pa, paki lagay na lang sa espasyong nakalaan sa baba. ^,..,^

Para naman sa iba pang mga bagay, request man, love letter, at kung anu ano pa lalo na mga advertising requests, pwede kayong sumulat sa akin sa smilesnhighfives@gmail.com o di kaya ay kay Juan Danilo. Ano na nga ba yung bago mong e-mail? I post mo na kasi.